Edmund Saunders hjá Keflavík var án efa besti leikmaður lokaúrslitanna en kappinn var með 33,3 stig að meðaltali auk þess að taka 11,3 fráköst, senda 5,7 stoðsendingar og verja 2,7 skot að meðaltali. Saunders var einnig með frábæra nýtingu en hann nýtti 42 af 61 skoti sínu í leikjum þremur og var með 68,9% skotnýtingu í einvíginu. Félagi hans Damon Johnson skilaði einnig stórum tölum en hann skoraði 28,3 stig, gaf 8,7 stoðsendingar, tók 6,3 fráköst og varði 3 skot að meðaltali í leikjunum þremur.

mt: Þeir félagar Edmund Saunders og Damon Johnson.