Ólafur Rafnsson formaður KKÍ er fertugur í dag. Ólafur hefur setið í stjórn KKÍ óslitið frá árinu 1991 og sem formaður frá 1996. Hann hefur því leitt 7 stjórnir sambandsins. Aðeins Bogi Þorsteinsson (9) og Kolbeinn Pálsson (8) hafa verið formenn KKÍ lengur í sögu sambandsins.
Metið á þó Einar Bollason sem setið hefur í alls 17 ár í stjórn KKÍ, þar af 3 ár sem formaður.

Fyrir þá sem ekki vita þá gerði Ólafur Rafnsson garðinn frægan með Haukum hér á árum áður og lék Ólafur 7 landsleiki fyrir Íslands hönd, einmitt undir stjórn Einars Bollasonar.

kki.is óskar Ólafi og fjölskyldu hans innilega til hamingju með afmælið.