Íslendingar léku síðasta leik sinn í Evrópukeppni unglingalandsliða, 20 ára og yngri í dag, þegar þeir mættu Frökkum og töpuðu 64-80 (29-48). Fyrstu 15 mínútur leiksins voru frábærar að Íslands hálfu en þá kom slæmur kafli þar sem Íslendingar misstu boltann hvað eftir annað og Frakkar skoruðu úr hraðaupphlaupum. Íslendingar börðust vel í seinni hálfleik og minnkuðu muninn mest í 9 stig. Íslenska liðið getur þó verið sátt við lokatölur þar sem Frakkar eru með mjög sterkt lið og unnu t.a.m. Úkraínumenn með 69 stiga mun. Jón N. Hafsteinsson og Logi Gunnarsson áttu góðan leik ásamt Örlygi Sturlusyni og Sævari Sigurmundssyni. Stig Íslands: Sævar S. 15, Örlygur S. 12, Jón N. H. 8, Logi G. 8, Morten S. 6 og aðrir minna.
Íslendingar luku keppni í 5. sæti en Rússar og Frakkar komust áfram.