Íslandsmeistarar Hauka 2009

8.-10. flokkur stúlkna hjá Val að undirbúa sig fyrir leik á móti í Gautaborg í Svíþjóð. Valur vann leikinn 26-24. Liðið komst í b-úrslit á mótinu en gat ekki spilað úrslitaleikinn þar sem að ferðaskrifstofa liðsins gerði ekki ráð fyrir að liðið færi svona langt. Stelpurnar þurftu því að halda heim til Íslands áður en mótið kláraðist.

Jón Arnór Stefánsson í sókn í oddaleiknum um Íslandsmeistaratitilinn 2009 en Páll Axel Vilbergsson er til varnar. Daníel Rúnarsson, ljósmyndari á Fréttablaðinu, beitt þeirri nýjung hér á landi að koma fyrir myndavél í allri úrslitaseríunni á bakvið spjaldið og náði því oft skemmtilegum myndum líkt og þekkist úr NBA-deildinni.

Sverrir Hjörleifsson, formaður Körfuknattleiksdeildar Hauka, tekur hér við sigurlaununum frá Iceland Express. Sverrir er faðir Guðbjargar, sem varð Íslandsmeistari með Haukum.

Fannar Ólafsson, fyrirliði KR tekur við bikarnum eftir að liðið varð Íslandsmeistari 2009 í oddaleik gegn Grindavík.

Robert Hodgson þjálfari U16 kvenna eftir sigur á EM í C-deildinni. Mótið fór fram í júlí 2008 í Mónakó.

Evrópumeistarar U16 kvenna í C-deild í júní 2008. Efri röð: Yngvi Páll Gunnlaugsson, Elma Jóhannsdóttir, Hrafnhildur Sif Sævarsdóttir, Sara Mjöll Magnúsdottir, Bergdís Ragnarsdóttir, Guðbjörg Sverrisdóttir, Heiða Björg Valdimarsdóttir, Robert Hodgson, Rúnar sjúkraþjálfari, Þóra Melsted fararstjóri. Fremri röð: Ína María Einarsdóttir, Telma Lind Ásgeirsdóttir, Heiðrún Kristmundsdóttir, Rannveig Ólafsdóttir, Berglind Gunnarsdóttir, Dagmar Traustadóttir.

Vinna við að skipta um gólf á DHL-höllinni í fullum gangi sumarið 2007. Hér tekur hópurinn sem var í því að rífa upp gamla gólfið pásu og stillir sér upp fyrir myndatöku.

Guðrún Gróa Þorsteinsdóttir, leikmaður KR, hoppar hér hæð sína og hæst allra í undanúrslitum Iceland Express-deildarinnar vorið 2009.

Jón Arnór Stefánsson í sókn gegn Brenton Birmingham í úrslitakeppninni 2009. Grindavík vann leikinn og jafnaði seríuna í 1-1.

Sumarið 2007 var skipt um gólfefni í DHL-höll KR-inga. KR-ingar fengu langþráð parket en dúkurinn sem var á gólfinu var genginn til ára sinna. Hér er kappi frá fyrirtækinu Horn í Horn að mála línurnar á völlin sumarið 2007.

Margrét Kara Sturludóttir á fleygiferð í átt að körfunni í leik með KR gegn Grindavík í úrslitakeppni kvenna 2008-2009. KR vann Grindavík 2-1 í seríunni og mætti Keflavík í undanúrslitunum þar sem þær unnu 3-0. Það voru svo Haukar og KR sem spiluðu til úrslita um titilinn þar sem Haukar unnu í oddaleik og urðu Íslandsmeistarar kvenna 2009. KR og Haukar mættust svo í úrslitarimmunni um Íslandsmeistartitiliinn.

Jón Arnór Stefánsson er hér er í leik með landsliði Íslands gegn Svartfjallalandi í Laugardalshöllinni 17. september 2008

Stefán Karl Stefánsson leikari er hér í gervi "The Grinch" á leik Boston og Toronto rétt fyrir jólin 2008. Stefán lék í uppsettningu verksins í Boston og mætti á þennan NBA leik ásamt samleikurum sínum til styrtkar langveikum börnum. Stefán vakti mikla lukku og meðal annars setti niður skot frá miðju, eitthvað sem lukkudýri Boston hefur ekki tekist ennþá!

Evar Rós Guðmundsdóttir lék einkar vel á Bikarúrslitahelginni í Keflavík 28. febrúar - 1. mars. Eva Rós lék í tveim flokkum með Keflavík og vann hún báða leikina, með sínum 9. flokk og einnig í Stúlknaflokki með Keflavík-b, en hann samanstendur af stelpum úr 9. og 10. flokki. Evar Rós skoraði samtals 46 stig og tók 38 fráköst í tveimur leikjum og skilaði einnig góðum tölum í öðrum tölfræðiþáttum íþróttarinnar. Þá var hún valin besti maður leiksins í báðum leikjunum.